الصبح شعشع وأقبل النـور بالنـور
والليل الأسود مايجيـب الصراحـه
مانيب ضايق لكـن القلـب مقهـور
وللى تسـاوت ضيقتـه وأنشراحـه
أمنت بااللى ثبـت طويـق والطـور
عسـاه يلهمنـي ثبـوت أنفصاحـه
واضح وأحب اقابل الناس مسـرور
مخلوق مابين الرضـاء والسماحـه
أكتب قصيدي همي أسعاد جمهـور
ماهمني فوضه وصـوره وساحـه
موج تلاطم من وراء سبعة بحـور
وحروف شعري للمخاليـق راحـه
يامبتلينـي باالحكـي أسمـع الشـور
لاتحسبنـك عايـش بوسـط واحـه
للى خلقنـا ميـز الحـق والـزور
والفرق واضح كالسمـاء والبراحـه
الطب يبغاله مـن النـاس دكتـور
والهندسه تبغـا أرتفـاع ومساحـه
ياللي تقول أني من الناس مغـرور
أميز همـا ج الما وا ميـز قراحـه
لامن كبر راسي مع الطيش معـذور
لكن غرور الشخص سبة مطاحـه
أنا أسعي بها الدنيا ابي الحال مستور
ابجتهد مـع همـه وغمـه نجاحـه
ياصاحبـي لا تقعـد تلـف وتـدور
الطير وش هو لو كسرنـا جناحـه
منت معي يا أبن الأجاويد مجبـور
ومن راح مني سمـح الله مراحـه